مرثية والد النجم محمد الشلهوب

بسم الله الرحمن الرحيم

عندما وصلني الخبر بوفاة الشيخ / بندر الشلهوب رحمة الله

تملكني الحزن لمحبتي للكابتن / محمد الشلهوب

فماكان الى ان اتت مشاعري هكذا
...................



يالله المعبود يارحمن يارب الجلاله= ياإلهٍ كل أبونا ساجدين وطالبيه
ياعظيم الشان ياربٍ تنزه في كماله = كل أبونا نرتجيه ونبتغيه ونستعينه
يارحيمٍ باعث محمد لتبليغ الرساله= مرسله بالحق والقرآن وآياتٍ مبينه
فارج لايوب من بلواه وأرسلت الشفاء له= يامنجي من مشى مع نوح وأرسيت السفينه
يالله انك ترحم اللي مات وتكرم نزاله = وارزقه بالجنة اللي تحضنه وتسر عينه
لويحس الموت في حر المفارق وانفصاله= كان قدّر كل حي وكب مضنون لضنينه
واختنق في دمعتي والياس به غل ونكاله= كني اللي صار باأطرافه كسور وغرغرينه
آه ليت الموت يرضى يوم جاء يأخذ بداله= كان قلت أختار بين الناس واولهم جنينه
كان قلت وكان قلت وقدرة الله لامحاله= ماتصيب الا الحبيب وماتغيب الا دهينه
والقدر محتوم باأيامه ومحتوم بلياله= وكل عمرٍ تحت ربي بالبشر ماله ضمينه
فجعتي في موتتك مابها عندي بساله= فجعتٍ هزت زحازيح العرب ماهي هوينه
كل من جاه الخبر صد وكنين الدمع هاله= حلم والا علم ماهم علم موته محتوينه
ليه اخذتي من يمينه طيبها مابه ضحاله= شمس طيبه بالمكارم للخلايق مستبينه
الكرم والجود عنده طيب جوده لرجاله= والوفاء عادت كفٍ بالوعد دايم امينه
الشجاعه والبتاعه رمز وافعاله دلاله= والثناء والجود دايم ملازمه كنه قرينه
والله ان المسجد اللي عوده كثرة وصاله= يحتريه ولابسٍ له منبربالدين زينه
والتراب اللي على دربه فقد ماطى نعاله= عارفٍ ماطاه والتربه تحت رجله فطينه
الرجاله و الشكاله و الجماله و العداله= عادته وعزه ومجاله وأنشد اللي عارفينه
وادعنه يوم راح وقالن الدنيا عجاله= واحرقني دموعهن في ضمايرهن دفينه
جيت اواسيهن واقول الوقت والعمر وزواله= واثرني عبدالمعين اللي يبي له من يعينه
من يعزي كل حاجه باقيه تذكر خياله= ماهقيت احد ينسى هن وينسى والدينه
يالله انك تجعل الرحمة من جنانك ظلاله= وزد خفوقه مع نبيك والصحابه طمئنينه
وصبّر اللي ماتحمل غيبته والهم ناله= واجعل حباله على تقواك والعروى متينه
قلتها بـ(الشيخ بندر) بالنيابة عن عياله= كلمةٍ تبكي على اللي راح ماشال الضغينه
والله ان الشعر لويرثيه ماياقف قباله= مايوفي كل شعري حاجةٍ من ربع دينه
تحياتي لكم
نايف السعود

منقووووووووووول

الله يغفر له ويرحمه يا رب

يعطيك العافيه

الله يغفر له ويرحمه ... ويصبر أهله على مصابهم ...

ومشكووور أخوي وما قصرت